ევროკავშირი მოსახლეობის მოწყვლად ფენას ენერგორესურსებზე ფასის ზრდისგან დაიცავს. აღნიშნულთან დაკავშირებით ევროკომისია უახლოეს დღეებში აპირებს წარმოადგინოს სპეციალური პაკეტი. ამის შესახებ ბრიფინგზე ევროკომისიის წარმომადგენელმა დანა სპინანტმა განაცხადა.
„ენერგიაზე ფასის ზრდა - ეს არის ძალიან მნიშვნელოვანი საკითხი. ძალიან მალე წარმოვადგენთ სპეციალურ პაკეტს, რომელიც ევროკავშირის ქვეყნებს დაეხმარება ამ პრობლემასთან გამკლავებაში, დაიცვას ყველაზე მოწყვლადი მომხმარებლები“, - განაცხადა მან.
თავიდან ამ პაკეტის გავრცელება 5 ოქტომბერს იყო დაგეგმილი, თუმცა ვადებმა გადაიწია. „ევროკომისია აღნიშნულ ინიციატივას ძალიან დიდ ყურადრებას უთმობს და მის დამუშავებას დამატებით კიდევ რამდენიმე დღე დასჭირდება“, - განაცხადა დანა სპინანტმა.
როგორც ცნობილია, ევროკავშირში 4 ოქტომბრისთვის ბუნებრივ აირზე ფასმა ახალი რეკორდი მოხსნა და ათას კუბურ მეტრზე 1,2 ათასი დოლარი შეადგინა. გასულ კვირას კი ფასმა პირველად გადალახა ათასდოლარიანი ნიშნული.