ტოპ-10 პროდუქტი, რასაც ვყიდით და ვყიდულობთ ავსტრიაში
საქართველოდან ავსტრიაში ექსპორტი მცირედით გაიზარდა, იმპორტი კი შემცირდა. კერძოდ, სტატისტიკის ეროვნული სამსახურის მონაცემებით, მიმდინარე წლის 8 თვეში საქართველოდან ავსტრიაში 1.106 მლნ აშშ დოლარის პროდუქცია გავიდა, გასული წლის ანალოგიურ პერიოდში - 1.061 მლნ აშშ დოლარის.
რაც შეეხება იმპორტს, 2021 წლის იანვარ-აგვისტოში საქართველომ ავსტრიაში 27.388 მლნ აშშ დოლარის პროდუქტები შეიძინა, გასული წლის ანალოგიურ პერიოდში - 39.790 მლნ აშშ დოლარი.
„ბიზნესპრესნიუსი“ დაინტერესდა იმ პროდუქტების ჩამონათვალით, რასაც ყველაზე დიდი რაოდენობით ვყიდით და ვყიდულობთ ავსტრიაში.
ტოპ-10 პროდუქტი, რომელიც 2021 წლის იანვარ-აგვისტოში საქართველოდან ავსტრიაში ექსპორტზე გავიდა:
- ხე-ტყის მასალა, გასწვრივ დახერხილი ან დაპობილი (სისქით 6 მმ-ზე მეტი) -193.5 ათასი აშშ დოლარი
- თხილი და სხვა კაკალი - 157.1 ათასი აშშ დოლარი
- ნაყოფი და მცენარის სხვა ნაწილები, სხვა წესით დამზადებული ან დაკონსერვებული -135.4 ათასი აშშ დოლარი
- თესლი, ნაყოფი და სპორები დასათესად - 95.46 ათასი აშშ დოლარი
- ყურძნის ნატურალური ღვინოები - 81.47 ათასი აშშ დოლარი
- ამწე ტალები და ამწეები; ჯალამბრები და კაბესტანები; დომკრატები - 69.15 ათასი აშშ დოლარი
- ხილისა და ბოსტნეულის წვენები - 36.17 ათასი აშშ დოლარი
- ავტოსატვირთელები - 31.51 ათასი აშშ დოლარი
- ინსტრუმენტი ხელის პნევმატური, ჰიდრავლიკური ან ჩადგმული ძრავით - 29.37 ათასი აშშ დოლარი
- სპეციალური დანიშნულების მანქანები და მექანიკური მოწყობილობები - 23.59 ათასი აშშ დოლარი
ტოპ-10 პროდუქტი, რომელიც 2021 წლის იანვარ-აგვისტოში საქართველომ ავსტრიიდან შემოიტანა:
- წყლები, მინერალური და გაზიანის ჩათვლით, შაქრის დანამატების შემცველობით - 2,538 მლნ აშშ დოლარი
- შავი ლითონების მეტალოკონსტრუქციები და მათი ნაწილები - 1,562 მლნ აშშ დოლარი
- დაფასოებული სამკურნალო საშუალებები - 1,422 მლნ აშშ დოლარი
- ორთოპედიული სამარჯვები; სხეულის ხელოვნური ნაწილები - 1,395 მლნ აშშ დოლარი
- ალაოს ექსტრაქტი - 1,259 მლნ აშშ დოლარი
- ძეხვი და ანალოგიური პროდუქტები ხორცის, ხორცის სუბპროდუქტების ან სისხლისგან - 1,104 მლნ აშშ დოლარი
- ფარმაცევტული პროდუქცია - 992.93 ათასი აშშ დოლარი
- ტრაქტორები და უნაგირა საწევარები- 838.95 ათასი აშშ დოლარი
- მსუბუქი ავტომობილები - 798.45 ათასი აშშ დოლარი
- ხის სამშენებლო ნაწარმი - 620.23 ათასი აშშ დოლარი
- ცნობისთვის, საქართველოს პრეზიდენტი სალომე ზურაბიშვილი ავსტრიის რესპუბლიკას ოფიციალური ვიზიტით ეწვია. ეს არის საქართველოს მხრიდან პირველი უმაღლესი დონის ვიზიტი ავსტრიაში.
