ევროკავშირიდან 10 თვეში ერთი მილიარდი დოზა ვაქცინის ექსპორტი განხორციელდა
ევროკავშირმა 2021 წლის 10 თვეში მსოფლიოს სხვადასხვა ქვეყნებში ერთი მილიარდი დოზა კორონავირუსის საწინააღმდეგო ვაქცინა გაიტანა ექსპორტზე. ამის შესახებ ევროკომისიის ხელმძღვანელმა ურსულა ფონ დერ ლეიენმა განაცხადა.
„მიღწეულია მნიშვნელოვანი თამასა COVID-19-ის ვაქცინების ექსპორტის კუთხით. ბოლო 10 თვის განმავლობაში ევროკავშირმა ექსპორტზე გაიტანა 1 მილიარდზე მეტი დოზა ვაქცინა“, - განაცხადა მან.
ფონ დერ ლეიენის განცხადებით, ევროკავშირი უახლოეს მომავალში 500 მილიონ დოზა ვაქცინას მიაწვდის მსოფლიოს ყველაზე მოწყვლად ქვეყნებს.
მედიის ცნობით, ვაქცინის მიმღები გახდა მსოფლიოს 150-მდე ქვეყანა, მათ შორის არიან იაპონია, თურქეთი, დიდი ბრიტანეთი, ახალი ზელანდია, ბრაზილია და სხვები.
