„საახალწლოდ და ზამთარში ფასები 16.7%-ით გაიზრდება“
„ზამთარში ფასები 16.7%-ით გაიზრდება,“ - ამის შესახებ ეკონომისტი ოთარ აბესაძე „ფეისბუქის“ პირად გვერდზე წერს.
მის პოსტს უცვლელად გთავაზობთ:
„დღევანდელი ოფიციალური მონაცემებით გაძვირდა:
- ბოსტნეული და ბაღჩეული 43%-ით.
- ზეთი და ცხიმი 31.6% - ით.
- პური და პურპროდუქტები 19.4 % - ით.
- რძე ყველი და კვერცხი 18.2 % -ით.
- შაქარი, ჯემი და ტკბილეული 18% - ით.
- თევზეული 16% - ით.
- მინერალური წყალი და უალკოჰოლო სასმელები 13% - ით.
- ხორცი 11.2 % - ით.
- ხილი და ყურძენი 9.3 % - ით.
- ყავა და ჩაი 6.4 % - ით.
- საშუალოდ მიმდინარე თვეში ჩვენი ყოველდღიური (გასტრო ეკონომიკური) ცხოვრება გაძვირდა 18.7 % - ით.
თუ გავითცალისწინებთ მიმდინარე ინფლაციის დინამიკას და მზარდ ტენდენციას ( აღნიშნული ფასების ზრდა თავიდან ბოლომდე გამოწვეულია ინფლაციით ) ექსტრაპოლაციური დაპროგნოზებით დეკემბერსა და იანვარში აღნიშნულ სასაქონლო ჯგუფებზე ფასების ზრდა საშუალოდ 16,7 % - ით მოხდება,“- წერს ოთარ აბესაძე.