ღვინის ექსპორტმა პანდემიამდელ მაჩვენებელს გადააჭარბა - სად ვყიდით ალკოჰოლურ სასმელს
2021 წლის ცხრა თვეში ღვინის ექსპორტიდან მიღებული შემოსავალი 163.558 მილიონ აშშ დოლარამდე გაიზარდა, მაშინ, როცა 2019 წლის ანალოგიურ პერიოდში ექსპორტმა 149.737 მლნ აშშ დოლარი შეადგინა, პანდემიურ 2020 წლის იანვარ-სექტემბერში კი, საქართველომ 141 მლნ აშშ დოლარის ღვინო გაყიდა. ასეთია სტატისტიკის ეროვნული სამსახურის მონაცემები.
2021 წელს, გასულ წელთან შედარებით, გაზრდილია ექსპორტირებული ღვინის ოდენობაც. ჯამში, იანვარ-სექტემბერში მსოფლიოს 60 ქვეყანაში 54,985 ტონა ღვინო გავიდა, 2019 წლის 9 თვეში კი 47,395 ტონა ღვინო.
,,ბიზნესპრესნიუსი“ გთავაზობთ Top-10 ქვეყანას, სადაც საქართველო ღვინოს ყიდის:
- რუსეთი - 94.632 მლნ აშშ დოლარი
- უკრაინა - 16.226 მლნ აშშ დოლარი
- ჩინეთი - 10.588 მლნ აშშ დოლარი
- პოლონეთი - 8.852 მლნ აშშ დოლარი
- ყაზახეთი - 6.451 მლნ აშშ დოლარი
- ბელორუსი - 5. 491 მლნ აშშ დოლარი
- აშშ - 3.549 მლნ აშშ დოლარი
- ლატვია - 3.268 მლნ აშშ დოლარი
- გერმანია - 2.381 მლნ აშშ დოლარი
- ლიეტუვა -1.703 მლნ აშშ დოლარი
ინფორმაციისთვის, აღნიშნული სტატისტიკა მოიცავს, ყურძნის ნატურალურ ღვინოებს (ცქრიალა ღვინოების გარდა) 2 ლ ან ნაკლები ტევადობის ჭურჭელში.
