ილონ მასკმა Tesla-ს აქციების ნაწილი გაყიდა, მისი ქონება კი 11.2 მლრდ დოლარით შემცირდა

ბიზნესმენმა ილონ მასკმა მისი კუთვნილი კომპანია Tesla-ს 2,5 მილიონი აქცია გაყიდა, საერთო ჯამში 5 მლნდ დოლარის ღირებულების. სააგენტო Bloomberg-ის ხელთ არსებული დოკუმენტის თანახმად, მასკმა ფასიანი ქაღალდები პირველად გაყიდა 2016 წლის შემდეგ. მაშინ აქციების გაყიდვის მიზეზი 590 მლნ დოლარის ოდენობის გადასახდელის დაფარვა იყო.

აღნიშნული გადაწყვეტილება მოჰყვა მის მიერ ტვიტერში გაკეთებულ გამოკითხვას, სადაც მასკმა მიმდევრებს ჰკითხა, გაეყიდა თუ არა კომპანიის აქციები, რაზეც უმრავლესობამ თანხმობა მისცა. გამოკითხვაში მონაწილეობა მიიღო 3,5 მილიონმა ადამიანმა, რომელთაგან 57,9% დათანხმდა მასკის მხრიდან მისი კუთვნილი აქციების 10%-ის გაყიდვას.

მასკის აღნიშნულ "ტვიტს" მეორე დღეს კომპანიის აქციების 5%-იანი გაუფასურება და მისი კაპიტალიც რამდენიმე ათეული მილიარდი დოლარით შემცირება მოჰყვა. ამ დროისთვის „ბლუმბერგის“ მილიარდერების რეიტინგის მიხედვით, ილონ მასკის ქონება 299 მლრდ დოლარს შეადგენს, ეს კი 11.2 მლრდ დოლარით ნაკლებია ერთი დღის წინანდელ მონაცემთან შედარებით.

კოკა კვირკველია