გონიო-კვარიათში სარეკრეაციო და ინფრასტრუქტურული სამუშაოები მიმდინარეობს
გონიოს დასახლებაში სარეკრეაციო სივრცის კეთილმოწყობის სამუშაოები ხორციელდება.აჭარის მთავრობის თავმჯდომარე თორნიკე რიჟვაძე ბათუმის ახლადარჩეულ მერთან, არჩილ ჩიქოვანთან ერთად სამუშაოებს გაეცნო.
აჭარის ავტონომიური რესპუბლიკის მთავრობის ინფორმაციით, პროექტის ფარგლებში, უკვე დასრულდა ქვაფენილისა და ბორდიურების მონტაჟი. მიმდინარეობს საბაღე სკამების განთავსება და საპარკინგე სივრცის მოსამზადებელი სამუშაოები. დაგეგმილია გარეგანათების მოწყობა. სარეკრეაციო სივრცის რეაბილიტაცია კი წელსვე დასრულდება.
პარალელურად, გზის სარეაბილიტაციო სამუშაოები მიმდინარეობს აფსაროსის მე-3 შესახვევში. პროექტის ფარგლებში, ასევე ხორციელდება ანდრია პირველწოდებულის მე-2 შესახვევის რეაბილიტაცია.