იპოთეკა გაძვირდა, ავტოსესხი გაიაფდა - როგორ შეიცვალა საბანკო პროდუქტების ღირებულება ერთ წელიწადში

2021 წლის ოქტომბერში წინა წლის ანალოგიურ პერიოდთან შედარებით სესხებზე საპროცენტო განაკვეთი გაიზარდა. კერძოდ, ეროვნული ვალუტით გაცემულ სესხებზე საპროცენტო განაკვეთმა 14,9%-დან 15,6%-მდე მოიმატა. რაც შეეხება უცხოურ ვალუტაში გაცემულ სესხებზე საპროცენტო განაკვეთს, აქ კლება ფიქსირდება, თუმცა მინიმალური. კერძოდ, სებ-ის სტატისტიკით, 2020 წლის ოქტომბერში უცხოურ ვალუტაში გაცემულ სესხებზე საპროცენტო განაკვეთი შეადგენდა 6,8%-ს, წელს ოქტომბერში კი ეს მაჩვენებელი 6,1%-მდე შემცირდა.

რაც შეეხება კონკრეტულად საბანკო პროდუქტებს, ეროვნული ბანკის ვებ-გვერდზე გამოქვეყნებული სტატისტიკის მიხედვით, ოქტომბერში ყველაზე მეტად იპოთეკური სესხები გაძვირდა, დანარჩენი პროდუქტები კი გაიაფდა:

როგორია შინამეურნეობებისთვის გაცემულ სესხებზე საშუალო საპროცენტო განაკვეთი (ოქტომბრის სტატისტიკა):

• იპოთეკურ სესხები - 12,26% (2020 წლის ოქტომბერი - 10,94%)
• ავტოსესი - 21,57% (2020 წლის ოქტომბერი - 25,46%)
• ლომბარდული სესხი - 19,19% (2020 წლის ოქტომბერი - 20,21%)
• სამომხმარებლო სესხი - 18,57% (2020 წლის ოქტომბერი - 20,32%)
• სამომხმარებლო სესხი - უზრუნველყოფილი - 13,29% (2020 წლის ოქტომბერი - 13,48%)
• სამომხმარებლო სესხი - არაუზრულველყოფილი - 19,81% (2020 წლის ოქტომბერი - 22,57%)