ვლადიმერ პუტინის განცხადებით, რუსულმა ვაქცინა „სპუტნიკმა“ ჯანმო-სგან აღიარება რაც შეიძლება მალე უნდა მიიღოს
რუსეთმა რაც შეიძლება მალე უნდა მიიღოს სერტიფიკატი ჯანდაცვის მსოფლიო ორგანიზაციისგან, იმისთვის, რომ „სპუტნიკ V“ ვაქცინა უფრო ფართოდ გავრცელდეს მსოფლიოს ქვეყნებში, - მედიის ინფორმაციით, ამის შესახებ რუსეთის პრეზიდენტმა ვლადიმერ პუტინმა განაცხადა.
„ჩვენ უნდა მივიღოთ შესაბამისი სერტიფიკატი ჯანმო-სგან რაც შეიძლება მალე, რათა ჩვენი „სპუტნიკ V“ ვაქცინა უფრო ფართოდ გავრცელდეს მსოფლიოში“, - აღნიშნა პუტინმა.
რუსული მედიის ინფორმაციით, რუსეთის პრეზიდენტმა „სპუტნიკ V“-ით ვაქცინაცია გაზაფხულზე ჩაიტარა. გასულ თვეში კი მან „სპუტნიკ ლაითის“ ბუსტერ დოზა მიიღო.
ჯანდაცვის მსოფლიო ორგანიზაციას რუსული ვაქცინის შესახებ მონაცემების განხილვა ჯერ არ დაუსრულებია.