ეროვნული ბანკის პრეზიდენტი საზოგადოებას მონეტარული პოლიტიკისა და ფინანსური სტაბილურობის კომიტეტების გადაწყვეტილებებს გააცნობს

ეროვნული ბანკის პრეზიდენტი, კობა გვენეტაძე საზოგადოებას მონეტარული პოლიტიკის კომიტეტის გადაწყვეტილებას გააცნობს და მედიის წარმომადგენლების შეკითხვებს ონლაინრეჟიმში უპასუხებს.

ეროვნული ბანკის ინფორმაციით, მონეტარული პოლიტიკის კომიტეტი კვარტალში ორჯერ იკრიბება და მონეტარული პოლიტიკის განაკვეთის შესახებ იღებს გადაწყვეტილებას.

„პირდაპირი ეთერი 8 დეკემბერს ეროვნული ბანკის ოფიციალურ ვებგვერდსა და ფეისბუქ პლატფორმაზე - www.facebook.com/NationalBankofGeorgia/ 12:00 საათზე დაიწყება. ამავე დღეს გამოქვეყნდება ფინანსური სტაბილურობის კომიტეტის გადაწყვეტილებაც. ფინანსური სტაბილურობის კომიტეტი კვარტალში ერთხელ იკრიბება და იღებს გადაწყვეტილებას მაკროპრუდენციული პოლიტიკის შესახებ”,- აღნიშნულია გავრცელებულ ინფორმაციაში.