შემოსავლების სამსახურმა თბილისის აეროპორტში არადეკლარირებული საქონელი გამოავლინა.
შემოსავლების სამსახურის ინფორმაციით, სხვადასხვა სახის არადეკლარირებული საქონლის მოზრდილი პარტიის შემოტანის ფაქტი გამოავლინეს 23 იანვარს საბაჟო გამშვები პუნქტის, "თბილისის აეროპორტის" მებაჟე ოფიცრებმა.
"რეისით შარჯა - თბილისი ჩამოფრინდნენ სომხეთის მოქალაქეები ა.ვ. და ე.ა., რომელთაც დათვალიერების შედეგად აღმოაჩნდათ დიდი რაოდენობით არადეკლარირებული საქონელი. კერძოდ, ა.ვ.-ის ბარგში აღმოჩნდა 3885,43 ლარის ღირებულების შემდეგი საქონელი: მობილური ტელეფონი SAMSUNG GALAXY (ჩინური) – 3 ცალი, iPhone 5s (ჩინური) –1 ცალი, iPhone 6 (ჩინური) 5 ცალი, მეხსიერების ბარათი SANDISK -55 ცალი, მეხსიერების ბარათი (ჩიპი) -150 ცალი, ფოტოაპარატი SAMSUNG –1 ცალი, ფოტოაპარატი CANON –1 ცალი. ე.ა.-ს ბარგში კი შემოსავლების სამსახურის თანამშრომლებმა აღმოაჩინეს, კერძოდ: მობილური ტელეფონი SAMSUNG GALAXY (ჩინური) – 3ცალი, iPhone 5s (ჩინური) – 1 ცალი, iPhone 6 (ჩინური) – 5 ცალი, მეხსიერების ბარათი SANDISK – 60 ცალი, მეხსიერების ბარათი (ჩიპი) – 149 ცალი, ფოტოაპარატი SAMSUNG – 1 ცალი, ფოტოაპარატი CANON – 1 ცალი, ტელევიზორი SAMSUNG – 1 ცალი. შემოსავლების სამსახურის განცხადებით, საქონლის ღირებულებამ 7101,38 ლარი შეადგინა", - ნათქვამია შემოსავლების სამსახურის მიერ გავრცელებულ ინფორმაციაში.
საგადასახადო კოდექსის 289-ე მუხლის მე-10 ნაწილის თანახმად, ორივე მგზავრს, სანქციის სახით, ფულადი ჯარიმა შეეფარდა. შესაბამისად - 3885,43 ლარის და 7101,38 ლარის ოდენობით.