"ვალეს" საბაჟო გამშვები პუნქტის ტერიტორიაზე ნარკოტიკული ნივთიერებების შემცველი მედიკამენტები აღმოაჩინეს.
შემოსავლების სამსახურის ინფორმაციით, თურქეთიდან ირანის მოქალაქე ბ.ჰ შემოვიდა, რომლის ავტომობილის დათვალიერების შედეგად, შემოსავლების სამსახურის მებაჟე ოფიცრებმა ნარკოტიკული ნივთიერების შემცველი მედიკამენტები: 19 აბი იპოდოლი (IPODOL-100), 11 აბი ტიდოლი (T-DOL-100) , 10 აბი ტრამადოლი (TRAMADOL-100), 10 აბი ტრამავისი (TRAMAVIS-200) აღმოაჩინეს.
შემოსავლების სამსახურის ცნობით, საქმის მასალები რეაგირებისთვის შსს საპატრულო პოლიციის დეპარტამენტის სამცხე-ჯავახეთის მთავარ სამმართველოს გადაეცა.