უკრაინა რუსული ინტერნეტ-დომენის ბლოკირებას გეგმავს
უკრაინის ეროვნული უშიშროებისა და თავდაცვის საბჭოს მდივანი ალექსანდრე ტურჩინოვი მოსახლეობას მოუწოდებს, არ გამოიყენონ რუსული ინტერნეტ-დომენი ru.
მისი თქმით, რუსეთის უშიშროების სამსახურს აქვს აღნიშნული ინტერნეტ-დომენის ვებგვერდების კონტროლის შესაძლებლობა. "მივმართავ ჩვენს მოქალაქეებს, თავი შეიკავეთ რუსული ინტერნეტ-დომენის რესურსების გამოყენებისგან, ვინაიდან ამგვარად ჩვენს მტრებს მუშაობას გავუმარტივებთ", – განაცხადა ტურჩინოვმა "მეხუთე არხთან" საუბრისას. მისივე თქმით, უკრაინის უშიშროების საბჭომ ქვეყნის მთავრობას უკვე გაუგზავნა ოფიციალური წერილი რუსული ინტერნეტ-დომენის ბლოკირებასთან დაკავშირებით.