2021 წელს კომპანიამ Amazon რეკლამაში 16,9 მლრდ დოლარი დახარჯა. ასეთ მონაცემებს აქვეყნებს ამერიკის ფასიანი ქაღალდების კომისია. ამავე მონაცემებით, კომპანიაში თანამშრომლების ანაზღაურებამ და Amazon Web Services-ის საკომისიო გაყიდვებზე გაწეული მარკეტინგული ხარჯების ჯამურმა მოცულობამ 48%-ით მოიმატა და 32,6 მლრდ დოლარი შეადგინა.
აღსანიშნავია, რომ პანდემიის დასაწყისში კომპანია იძულებული გახდა მარკეტინგული ხარჯები 100 მლნ დოლარით შეემცირებინა. ამერიკული მედიის ცნობით, ამერიკის ფასიანი ქაღალდების კომისიისთვის წარდგენილი მონაცემებით, Amazon-ი არის რეალურად უმსხვილესი სარეკლამო შემკვეთი კომპანია ისტორიაში, ვინაიდან მსოფლიოს უმსხვილესი სარეკლამო დამკვეთები — P&G, Unilever და Alphabet - რეკლამაზე აღნიშნულზე ორჯერ ნაკლებს ხარჯავენ. თუმცა რთულია დადგინდეს კონკრეტულად, რა თანხა იხარჯება უშუალოდ რეკლამაზე, ვინაიდან ამ თანხაში ხშირად გაერთიანებულია არა მარტო მედიაში რეკლამის განთავსების ხარჯები.
ის რომ, Amazon-ი მსოფლიოს უმსხვილესი სარეკლამო დამკვეთია, ცნობილი გახდა 2019 წელს, როცა კომპანიამ რეკლამაზე 11 მლრდ დოლარი დახარჯა, რაც მსოფლიოს სარეკლამო ბიუჯეტის 2% იყო.