საუდის არაბეთმა ნავთობის ფასი შეამცირა
ჩინეთის მიერ ახალი ფართომასშტაბიანი ანტი კოვიდ ღონისძიებებისა და რუსეთის მხრიდან მიწოდების გაურკვევლობის ფონზე, ბოლო ოთხი თვის განმავლობაში, საუდის არაბეთმა ნავთობზე ფასი პირველად შეამცირა. ერთი ბარელის ღირებულება 9,35 დოლარის ნაცვლად 4,40 დოლარს შეადგენს. ამის შესახებ Bloomberg-ი წერს.
ამას გარდა, ფასებმა დაიკლო ჩრდილო-დასავლეთ ევროპისთვისაც, ამერიკისთვის კი ის ისევ მაისის დროინდელი ღირებულების დარჩა.
საუდის არაბეთის მიერ ნავთობის ფასის ცვლილება დაკავშირებულია რუსეთ-უკრაინის ომზე, ასევე ლოკდაუნზე ჩინეთის ბევრ პროვინციაში, რომელიც კოვიდ-19-ის ახალ აფეთქებას ებრძვის.
Bloomberg-ის ცნობით, გასულ თვეში ბენზინზე, დიზელზე და საავიაციო საწვავზე მოთხოვნა 20%-ით დაეცა.
შეგახსენებთ, რომ საუდის არაბეთის ნავთობის ექსპორტის 60% აზიისკენ არის მიმართული. მის უმსხვილეს ბაზარს ჩინეთი, იაპონა, სამხრეთ კორეა და ინდოეთი წარმოადგენენ.
