თბილისიდან სტამბოლის მიმართულებით ავიარეისები აღდგენილია.
თბილისის საერთაშორისო აეროპორტის ინფორმაციით, გუშინ სტამბოლიდან თბილისის მიმართულებით ყველა დაგეგმილი რეისი შესრულდა. ფრენები განახორციელეს ავიაკომპანიებმა: Turkish Airlines, Atlasjet და "პეგასუსი". შესაბამისად, თვითმფრინავები თბილისიდან სტამბოლის მიმართულებითაც გაფრინდნენ.
ამასთან, აეროპორტის ინფორმაციით, ავიაკომპანა Turkish Airlines-მა დღეს საკუთარი ინიციატივით ერთი რეისი გააუქმა. კერძოდ, თვითმფრინავი, რომელიც სტამბოლიდან თბილისში 11:00 საათზე უნდა დაშვებულიყო, არ გამოფრინდება. აეროპორტში ამის მიზეზებზე ვერ საუბრობენ.
თურქეთში უამინდობის გამო, სტამბოლი-თბილისისა და თბილისი-სტამბოლის რეისების შესრულება ბოლო ორი დღის განმავლობაში ვერ ხერხდებოდა.