CNN - 4 მიზეზი, რატომ იშლება ეკონომიკა - რა არის გამოსავალი

ის რომ, მსოფლიო ეკონომიკა ჩამოშლის პირასაა, სიახლეს არ წარმოადგენს. ამ თემაზე უამრავი ეკონომისტი და ექსპერტი მსჯელობს და ყველა ცდილობს, სწორ გამოსავალს მიაგნოს.

შესაბამისი თემატიკის სტატია CNN-მაც გამოაქვეყნა და 4 მთავარი მიზეზი დაასახელა, რაც ეკონომიკის შლას იწვევს. ამერიკელმა ექსპერტებმა სავარაუდო გამოსავალის შესახებაც ისაუბრეს.

ნიშანი 1. ფედერალურმა სარეზერვო სისტემამ (Fed) რეაგირება დააგვიანა

პრობლემა იმაში მდგომარეობს, რომ Fed-მა ზედმეტად დააგვიანა განაკვეთების გაზრდა. ინფლაცია საკმაოდ საზრუნავი იყო 2021 წლის განმავლობაში, მაგრამ ცენტრალურმა ბანკმა მხოლოდ 2022 წლის მარტში დაიწყო განაკვეთების აწევა. ასე რომ, ფედრეზერვს უნდა ეთამაშა - და ბევრად უფრო მკვეთრი ზომები მიეღო.

გასულ კვირას Fed-მა გაზარდა განაკვეთები ნახევარი პროცენტული პუნქტით, რაც ყველაზე დიდი ერთჯერადი ზრდაა 22 წლის განმავლობაში.

ნიშანი 2. საფონდო ბირჟა არის ყველაფრის გაყიდვის რეჟიმში

წელს, უოლ-სტრიტზე ექსტრემალური შიში მეფობს. საფონდო ბირჟიდან 7 ტრილიონ დოლარზე მეტი „გაქრა“. იანვრის დასაწყისში, რეკორდული მაჩვენებლების მიღწევის შემდეგ, საფონდო ბირჟამ თავისი ღირებულების თითქმის მეხუთედი დაკარგა. ინვესტორები შეშფოთებულნი არიან, რომ უფრო მაღალი საპროცენტო განაკვეთები შეაფერხებს კომპანიების მოგებას. მაისში მომხმარებელთა განწყობა ბოლო 11 წლის ყველაზე დაბალ დონემდე დაეცა. ეს პოტენციურად ცუდი ამბავია ეკონომიკისთვის, რადგან სამომხმარებლო ხარჯები შეადგენს ამერიკის მთლიანი შიდა პროდუქტის ორ მესამედზე მეტს.

ნიშანი 3. ობლიგაციების ბაზარი

როდესაც ობლიგაციების ფასები ეცემა, შემოსავალი იზრდება - და 10-წლიანი სახაზინო შემოსავლები ამ თვეში 2018 წლის შემდეგ, პირველად აღემატება 3%-ს.

რამდენ ხანს გაგრძელდება ინფლაცია? პასუხი წარსულშია.

ეს ჩვეულებრივ ხდება მაშინ, როდესაც Fed-ი ზრდის განაკვეთებს - სესხის აღების მაღალი ღირებულება ობლიგაციებს ნაკლებად ღირებულს ხდის.

ნიშანი 4. ქაოსი მთელს მსოფლიოში

რუსეთი აგრძელებს ომს უკრაინაში, რომელმაც ჩაახშო მიწოდების ჯაჭვები და ელექტროენერგიის ფასები მკვეთრად გაიზარდა. ჩინეთი აგრძელებს ზოგიერთი უდიდესი ქალაქის ჩაკეტვას, რადგან Covid-ის შემთხვევები კვლავ მაღალია. მუშახელის დეფიციტმა გამოიწვია ხელფასების ზრდა და შეაფერხა საქონლის ნორმალური ნაკადი მთელს მსოფლიოში.

რუსეთი აგრძელებს ევროპის ქვეყნების მუქარას მათი ენერგეტიკული მიწოდების შეწყვეტით, რამაც შესაძლოა ევროკავშირის ეკონომიკა რეცესიაში ჩააგდოს.

ის, რაც სხვაგან ხდება, შესაძლოა შეერთებულ შტატებშიც გადავიდეს, რაც ყველაზე ცუდ დროს დააზარალებს ამერიკის ეკონომიკას.

შესაბამისად, რეცესია შეიძლება მალე დადგეს.

რა არ უნდა გააკეთოთ - პანიკა.

ფინანსური მრჩეველები რამდენიმე ვარიანტს გვირჩევენ:

დასაქმდით: უმუშევრობის დაბალი მაჩვენებელი და ვაკანსიების დიდი რაოდენობა რეცესიას შეცვლის.

ნაღდი ფულით შეიძინეთ ბინა: შეერთებულ შტატებში სახლების ფასები ყოველწლიურად, თითქმის 20%-ით იზრდება, მაგრამ იპოთეკური განაკვეთები ასევე იზრდება, რაც საბოლოოდ მოთხოვნას ზღუდავს.

განათავსეთ გარკვეული თანხა: ყოველთვის კარგი იდეაა, გქონდეთ ლიკვიდური აქტივები - ნაღდი ფული, ფულის ბაზრის ფონდები და ა.შ. - გადაუდებელი საჭიროებების ან მოულოდნელი გადაუდებელი შემთხვევების დასაფარად.

და ბოლოს, რამდენიმე ბრძნული რჩევა ნებისმიერი ბაზრისთვის: ნუ მისცემთ უფლებას თქვენს ემოციებს გაგიფუჭოთ განწყობა - „იყავით მოწესრიგებული", - ამბობს სერტიფიცირებული ფინანსური დამგეგმავი მარი ადამი. „საუკეთესო გზა თქვენი გრძელვადიანი მიზნების მისაღწევად არის უბრალოდ გააგრძელეთ ინვესტირება და მიყევით თქვენს გეგმებს".

წყარო: CNN