ევროზონის ფინანსთა მინისტრები ბრიუსელში მესამე გადამწყვეტი შეხვედრისთვის ემზადებიან.
"ბიბისის" ცნობით, ისინი დღეს საბერძნეთის საკრედიტო კრიზისთან დაკავშირებით მნიშვნელოვანი გადაწყვეტილების მიღებას შეეცდებიან. კერძოდ, ათენი ევროზონისგან არსებული საკრედიტო შეთანხმების განახლების ნაცვლად, პროგრამის 6 თვით გახანგრძლივებას ითხოვს. ვინაიდან მოქმედი შეთანხმება საბერძნეთის მიერ მკაცრი ეკონომიკური ზომების მიღებას ითვალისწინებს. გერმანიამ უკვე უარი განაცხადა საბერძნეთის მოთხოვნის დაკმაყოფილებაზე. ამ დროისთვის მოქმედ საკრედიტო შეთანხმებას ვადა თვის ბოლოს ეწურება.