ერთი დოლარის ოფიციალური კურსი 2.17 ლარია
ლარი აშშ დოლართან მიმართებაში კიდევ გაუფასურდა.
ერთი დოლარის ღირებულება 2.17 ლარი გახდა. საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა. სებ-ის მიერ დადგენილი კურსის თანახმად, ხვალიდან, 21 თებერვლიდან 1 დოლარის შეძენა 2.1771 ლარად იქნება შესაძლებელი.
ბანკთაშორის ვაჭრობის შედეგად, ეროვნული ბანკის მიერ დადგენილი კურსი, რომელიც დღეს მოქმედებდა, 2.1472 ლარს შეადგენდა. ლარის ოფიციალური გაცვლითი კურსის ცვლილებამ 0.0299 ლარი შეადგინა.