ივნისში ქუთაისის აეროპორტში რეისების რაოდენობა 21%-ით გაიზარდა

ქუთაისის საერთაშორისო აეროპორტში საჰაერო მიმოსვლის დადებითი დინამიკა კვლავ ნარჩუნდება.

საქართველოს აეროპორტების გაერთიანების ინფორმაციით, 2022 წლის ივნისის თვეში, 2019 წლის ანალოგიურ პერიოდთან შედარებით, დავით აღმაშენებლის სახელობის აეროპორტში მგზავრთნაკადი 100%-ით აღდგა. 2022 წლის ივნისში, ქუთაისის საერთაშორისო აეროპორტი 76 052 მგზავრს მოემსახურა. (2019 წლის ივნისში 76 208 მგზავრი).

მათივე ცნობით, ქუთაისის საერთაშორისო აეროპორტში ავიარეისების რაოდენობის ზრდის კუთხით დადებითი დინამიკაა. ივნისში, აეროპორტში რეისები 21%-ით გაიზარდა და 298 რეისს მოემსახურა. ( 2019 წლის ივნისი - 247 რეისი).

საქართველოს აეროპორტების გაერთიანების ინფორმაციით, ამ ეტაპისთვის, ქუთაისის საერთაშორისო აეროპორტში 5 ავიაკომპანია 14 ქვეყნის 25 მიმართულებით ოპერირებს. 1-ლი აგვისტოდან ქუთაისის აეროპორტიდან ფრენები ტალინისა და პარიზის მიმართულებით დაემატება და არსებულ 10 მიმართულებაზე სიხშირეები გაიზრდება.