საბერძნეთში მიმდინარე კვირას ცათამბჯენის მშენებლობისთვის პირველი ლიცენზია გაიცა. ამის შესახებ განვითარებისა და ინვესტიციების მინისტრმა, ადონის გეორგიადისმა განაცხადა, რასაც Ekathimerini ავრცელებს.
მინისტრის თქმით, ათენის გარეუბანში, ელინიკოს მუნიციპალიტეტში 198,85-მეტრიანი თაუერის მშენებლობა რამდენიმე კვირაში დაიწყება.
ცათამბჯენს Riviera Tower დაერქმევა. ის პროექტ Lamda Development Ellinikon-ის ნაწილია, რომელიც ევროპაში ურბანული აღორძინების უდიდეს პროექტად ითვლება.
აღსანიშნავია, რომ ახლახან რიგის და ზოგადად, ლატვიის ყველაზე მაღალმა შენობებმა, Z-Towers-ებმა სახელი Zunda Towers-ად გადაიკეთეს, რაც კომპანიამ რუსული არმიის მიერ გამოყენებული ასო Z-ის ნეგატიური სიმბოლიზმის საპასუხოდ განახორციელა.
მოამზადა ლადო სულაბერიძემ