მექსიკელმა მედია მაგნატმა კარლოს სლიმ ელუმ ნახმარი სმარტფონების შეგროვების პროგრამა დაიწყო. პროგრამა სკოლის მოსწავლეებისთვისაა განკუთვნილი, რათა მათ განათლების სხვადასხვა რესურსზე თავისუფალი წვდომა შეძლონ. ამის შესახებ Reuters იტყობინება.
მსოფლიოს ერთ-ერთი უმსხვილესი მობილური ოპერატორის მფლობელის განცხადებით, მისი ჰოლდინგი América Móvil სასწავლო საგნებზე უსადენო კავშირს ყველა ასაკის მსურველს უფასოდ მიაწვდის.
კომპანია 1-2 წლის ნახმარი, კარგ მდგომარეობაში მყოფი ტელეფონების შესყიდვას 500 პესოდ (26$) აპირებს. მაგნატმა ხაზი გაუსვა, რომ სურს გახსნას მეორადი სმარტფონების ბაზარი, რომელიც სახელმწიფო სკოლებს დაეხმარება.
სლიმ ელუმ იმედი გამოთქვა, რომ მისი კონკურენტები მექსიკაში, მათ შორის ესპანური ოპერატორი Telefonica და ამერიკული AT&T მიბაძავენ ამ მაგალითს და ამით სასწავლო საგნები ხელმისაწვდომი გახდება.
შეგახსენებთ, კარლო სლიმ ელუ Forbes-ის მსოფლიოს უმდიდრესი ადამიანების რეიტინგში მეოთხე ადგილზეა და ის მისი შემოსავლების ნაწილს ფილანტროპიას ახმარს.
კოკა კვირკველია
იხილეთ ვიდეო PALITRANEWS-ზე