ვის ეკუთვნის კომპანიები, რომლის „გათეთრებასაც“ თბილისის მერია ითხოვს
2021 წელს თბილისის მერიამ „სახელმწიფო შესყიდვების სააგენტოს“ „თეთრ სიაში“ შეყვანასთან დაკავშირებით, 7 კომპანიაზე მიმართა. ამის შესახებ „ბიზნესპრესნიუსს“ დედაქალაქი მერიიდან აცნობეს.
სამეწარმეო რეესტრზე დაყრდნობით, გთავაზობთ ინფორმაციას იმ კომპანიების შესახებ, რომლის „გათეთრებასაც“ (საქმის სრულფასოვნად შესრულებისთვის) მერია ითხოვს:
შპს „Construction Service“ – 2018 წელს დაფუძნდა. სამეწარმეო რეესტრის მიხედვით, კომპანიის 55%-იანი წილის მფლობელია გიორგი გაბუნია, 40% ეკუთვნის შეზღუდული პასუხისმგებლობის საზოგადოება შპს „ქისთოუნ ქონსთრაქშენს“, ხოლო 5% თამაზ ცვარიანს. დირექტორია გიორგი გაბუნია.
თავის მხრივ, შპს „ქისთოუნ ქონსთრაქშენის“ 75% ეკუთვნის საქართველო-რუსეთის ორმაგ მოქალაქეს თემურ ანჩაბაძეს, 12.5%-იანი წილების მფლობელები კი არიან გიორგი პერტაია და გივი კუბლაშვილი.
შპს „არქიტრავი“ – 2014 წელს დარეგისტრირებული კომპანია ეკუთვნის ირაკლი ახალაძეს, დირექტორიც თავად არის.
შპს „ენსისი“ - 2010 წელს დაფუძნდა. კომპანიის მესაკუთრე და დირექტორი გიორგი ქელბაქიანია.
შპს „სეისმომედეგობა+“ – კომპანია 2010 წელს დარეგისტრირდა. მისი მესაკუთრე და დირექტორი ირაკლი ბერძენიშვილია.
შპს „სკინჩი“ – 2012 წელს დაფუძნებული კომპანიის 20%-იანი წილები ეკუთვნით: ზაზა მახარაძეს, ბაჩუკი ბერიძეს, ოთარ ლალუაშვილს, დავით მეტრეველს, სოსო წინწკალაძეს. დირექტორის პოსტსაც ხუთივე მათგანი იკავებს.
შპს „ჯეუ გრუპი“ – კომპანია 2010 წელს დაფუძნდა. სამეწარმეო რეესტრის მიხედვით, 43%-იანი წილები ეკუთვნით ნინო კიკაბიძეს და გიორგი მარკოიშვილს, ხოლო 12% სააქციო საზოგადოება სს ავტოფირმა 6-ს. დირექტორია ნინო კიკაბიძე.
შპს „ჯიარჯი“ – 2013 წელს დაფუძნებული კომპანიის მესაკუთრეა ვლადიმერ ჭედია, ხოლო დირეტქორი გურამ დაფქვიაშვილი.
