საქართველოს დღეს საერთაშორისო სავალუტო ფონდის მისია ეწვია.საერთაშორისო სავალუტო ფონდის მისიამ შეხვედრები უკვე დაიწყო. ვიზიტის ფარგლებში მისიის წარმომადგენლები შეხვედრებს ეროვნულ ბანკში, ფინანსთა და ეკონომიკის სამინისტროებში გამართავენ.
საერთაშორისო სავალუტო ფონდის მისია საქართველოში 2 ივნისის ჩათვლით დარჩება. "იწყება ფონდის მისია და ერთ-ერთი თემა, რომელსაც ჩვენ დავაყენებთ და იმედი მაქვს, რომ ფონდიც თავად დააყენებს ამ საკითხს, ეროვნული ვალუტის გაცვლითი კურსი იქნება", - განაცხადა რამდენიმე დღის წინ ფინანსთა მინისტრმა ნოდარ ხადურმა.