აშშ-ის უმდიდრესი 37 მილიარდერი ჰავაის კუნძულებზე, მინიმუმ, 88,222 ჰექტარ მიწას ფლობს, რაც შტატის მთელი ტერიტორიის 5.3%-სა და კერძო მიწების 11,1%-ს შეადგენს.
ექვსი უდიდესი კუნძულის უძრავი ქონების რეესტრის ათასობით დოკუმენტზე დაყრდნობით Forbes USA-მ ჰავაის მიწის უმსხვილესი მფლობელების რეიტინგი შეადგინა.
ამ რეიტინგში შემავალი მილიარდერები ჰავაის მთლიანი მოსახლეობის, ანუ 1,4 მილიონი ადამიანის მხოლოდ 0,003%-ს წარმოადგენენ.
Forbes USA-ს ცნობით, ჰავაიზე უმდიდრეს ამერიკელთა საკუთრებაში არსებული მიწის ნაკვეთების საერთო მაჩვენებელი შესაძლოა, კიდევ უფრო მაღალი იყოს იმის გათვალისწინებით, რომ ბევრი მილიარდერი თავისი უძრავი ქონების შესახებ ინფორმაციის დამალვას ცდილობს.
მოამზადა ლადო სულაბერიძემ