რა ეკონომიკური სარგებელი მიიღო საქართველომ 2023 წელს დასავლეთის ქვეყნებიდან
საქართველომ 2023 წელს დასავლეთის ქვეყნებიდან 8 მილიარდი დოლარის ღირებულების ეკონომიკური სარგებელი მიიღო, - ამის შესახებ სოციალურ ქსელში „საერთაშორისო გამჭვირვალობა - საქართველოს“ უფროსი ანალიტიკოსი ბესო ნამჩავაძე წერს.
მისი ინფორმაციით, გასულ წელს საქართველომ დასავლეთის ქვეყნებიდან მიიღო:
- 1.2 მილიარდი დოლარის პირდაპირი ინვესტიცია
- 2 მილიარდი დოლარის ემიგრანტების გადმორიცხული თანხა
- 800 მილიონი დოლარის შემოსავალი საქონლის ექსპორტიდან
- 700 მილიონი დოლარის შემოსავალი ტურიზმიდან
- 700 მლნ დოლარის შემოსავალი სხვადასხვა მომსახურების ექსპორტით (ტურიზმის გარეშე)
- 1.5 მილიარდი დოლარის სესხები და დეპოზიტები ქართულ ბანკებში
- 500 მილიონი დოლარის სესხები ქართულ კომპანიებზე
- 800 მილიონი დოლარის სესხები და გრანტები საქართველოს მთავრობაზე
„ეს ჯამში 8 მილიარდი დოლარია და ეს არ არის სრული სურათი, რადგან ყველა ეკონომიკური ურთიერთობები არ არის აღრიცხული ქვეყნების მიხედვით. მხოლოდ ერთ წელში 8 მილიარდი დოლარი!
და გაცილებით მეტის მიღება შეგვიძლია თუ უფრო დავუახლოვდებით დასავლეთს და უკეთესი ეკონომიკური გარემო გვექნება.
რუსული კანონი გვაშორებს დასავლეთს და აუარესებს ეკონომიკურ გარემოს“, - წერს ბესო ნამჩავაძე.
