არადეკლარირებული თანხის შემოტანის გამო მგზავრი დაჯარიმდა.
შემოსავლების სამსახურის ინფორმაციით, საბაჟო გამშვები პუნქტის "თბილისის აეროპორტის" მებაჟე ოფიცრებმა არადეკლარირებული 34 770 აშშ დოლარის შემოტანის ფაქტი გამოავლინეს.
შემოსავლების სამსახურის ცნობით, მათ აღნიშნული თანხა 8 ივნისს, რეისით დუბაი-თბილისი ჩამოფრენილი საქართველოს მოქალაქე ა.კ.-ის ხელბარგის ეჭვის საფუძველზე დათვალიერებისას აღმოაჩინეს. მოქალაქეს საქართველოს საგადასახადო კოდექსის 289-ე მუხლის 13-ე ნაწილის თანახმად, სანქციის სახით ფულადი ჯარიმა - 3000 ლარის ოდენობით შეეფარდა.