ევროკავშირის ქვეყნები, სადაც უმუშევრობის დონე ყველაზე დაბალია
Euronews-ის ინფორმაციით, ევროზონაში მიმდინარე წლის მარტში, უმუშევრობის დონე, რეკორდულად დაბალ დონეზე 6,5%-ზე დარჩა, ხოლო ევროკავშირის 27 წევრ ქვეყანაში მაჩვენებელი თებერვალთან (6.1%) შედარებით მცირედით, 6%-მდე შემცირდა.
საანგარიშო პერიოდში ევროკავშირში სამუშაოს გარეშე 13 მლნ-ზე მეტი ადამიანი იყო, საიდანაც 11 მლნ-ზე მეტი ევროზონაში. 25 წლამდე ასაკის მოქალაქეების უმუშევრობის დონე, თებერვალთან შედარებით, 14.1%-მდე შემცირდა. ამასთანავე, სამუშაოს მაძიებელი ახალგაზრდების რაოდენობა EU-ში 11 000-ით, ხოლო ევროზონაში 30 000-ით შემცირდა.
მარტში უმუშევრობის მაჩვენებელი ყველაზე დაბალი იყო ევროკავშირის წევრ შემდეგ ქვეყნებში:
- ჩეხეთი - 2.9%;
- პოლონეთი - 2.9%
- სლოვენია - 3.1%
- გერმანია 3.2%;
- მალტა 3.2%
- ნიდერლანდები - 3.6%
- უნგრეთი 4.3%
- ირლანდია 4.3%
- ბულგარეთი 4.4%
- ავსტრია 4.9%
