დედოფლისწყაროში ალოობა დაიწყო და უკვე ორი კვირაა, მინდვრებში ქერის ყანები გაიჭრა. ფერმერები რეკორდულ მოსავალზე საუბრობენ. ინფორმაციას ამის შესახებ qiziyi.ge ავრცელებს.
შირაქისა და ტარიბანის ველებზე ქერის საშუალო მოსავლიანობა 1 ჰექტარზე 4-დან 7 ტონამდე მერყეობს. ფერმერების ნაწილი ამბობს, რომ 1 ჰექტარზე 7 ტონა და 400 კილოგრამი ქერი მოიმკა. qiziyi.ge -ის ინფორმაციით, პარლამენტის აგრარული კომიტეტის თავმჯდომარის მოადგილისა და დედოფლისწყაროს მაჟორიტარი ბაჩუკი გონაშვილის თქმით, სოფლის მეურნეობაში მრავალწლიანი მუშაობის მიუხედავად, ქერის ასეთი მოსავალი არასოდეს მიუღია.
დედოფლისწყაროში 5 ჰექტარზე ზევით მიწის ნაკვეთს 400-მდე ფერმერი ფლობს. ოფიციალური ინფორმაციით, დედოფლისწყარო საერთო ჯამში, სახნავ-სათესი ნაკვეთების 47 663 ჰექტარს ითვლის. აქედან წელს დათესილი იყო 11 929 ჰექტარი ხორბალი, ხოლო 2 700 ჰა-ზე - ქერი, საიდანაც საშუალოდ 40 000 ტონა ხორბალს, ხოლო 9 500 ტონა ქერს ელოდებიან.