საბერძნეთის შესახებ საბოლოო გადაწყვეტილებას მხარეები სავარაუდოდ, ევროკავშირის სამიტზე მიიღებენ, რომელიც ხვალ გაიმართება.
"ჩვენ კვლავაც ვერ მივაღწიეთ საჭირო პროგრესს. რაღაც საკითხებში, შეიძლება ითქვას, რეგრესიც კი გვქონდა", - აღნიშნა გერმანიის კანცლერმა ანგელა მერკელმა.
ბრიუსელში გასამართი მოლაპარაკებების მორიგი რაუნდის დასრულების შემთხვევაში, ევროკომისიის წარმომადგენლები, ევროპის ცეტრალური ბანკი და საერთაშორისო სავალუტო ფონდი საბერძნეთისთვის საგანგებო დახმარების ტრანშს - 7,2 მილიარდ ევროს გაყინავენ.
თუ 30 ივნისს საბერძნეთი საერთაშორისო სავალუტო ფონდს დავალიანებას 1,6 მილიარდ ევროს არ გადაუხდის, ქვეყანას დეფოლტი ემუქრება.