გაგრაში შეიარაღებულმა თავდამსხმელებმა აფხაზეთის შემნახველი ბანკის გაგრის ფილიალი გაძარცვეს.
არსებული ინფორმაციით, 25 აგვისტოს ოთხი შეიარაღებული ნიღბიანი მამაკაცი შენობაში შევარდა და 14 380 287 რუბლი, 10 015 ევრო და 4 632 დოლარი გაიტაცა, ამის შემდეგ კი "მერსედესის" მარკის მანქანით მიიმალნენ. მოგვიანებით მანქანა გაგრის ერთ-ერთ რაიონში აღმოაჩინეს.
მომხდარიდან ორ დღეში, 27 აგვისტოს რესტორან "ბასლაში" თავში გასროლით მოსკოვის მოქალაქე მოკლეს, რომელიც სოხუმში დროებით ცხოვრობდა. როგორც ამბობენ, ის კრიმინალური სამყაროს წარმომადგენელი იყო.