2015 წელს რუსეთმა ოკუპირებული სამხრეთ ოსეთისთვის ფინანსური დახმარება 700 მილიონი რუბლით გაზარდა. როგორც "ტასი" იტყობინება, ამის შესახებ რუსეთის მთავრობის თავმჯდომარის მოადგილემ ალექსანდრ ხლოპონინმა, რუსეთსა და ე.წ. სამხრეთ ოსეთს შორის სოციალურ-ეკონომიკური თანამშრომლობის სფეროში მოქმედ სამთავრობოთაშორის სხდომაზე განაცხადა.
"წელს დაფინანსების მოცულობა 700 მილიონი რუბლით გაიზარდა და ჯამში 3,6 მილიარდი რუბლი შეადგინა", - განაცხადა ხლოპონინმა.