27 სექტემბრის მონაცემებით, კახეთის რეგიონში 71 000 ტონამდე ყურძენი გადამუშავდა.
ღვინის ეროვნული სააგენტოს ცნობით, მოსავლის რეალიზაციის შედეგად მიღებულმა შემოსავლებმა რეგიონში 44 მილიონ ლარს მიაღწია. ღვინის ქარხნებში 8 000-ზე მეტმა მევენახემ ჩააბარა ყურძენი.
26 სექტემბერს დღეღამურად გადამუშავდა 6 937ტ, რაც, ღვინის სააგენტოს განცხადებით, მიუთითებს, რომ რთველი კახეთში კვლავ აქტიურ ფაზაშია და შეფერხების გარეშე მიმდინარეობს. ამ დროისთვის გადამუშავებულია: რქაწითელი _ 31,5 ათასი ტონა, საფერავი - 30 ათას ტონამდე, ასევე 1,8 ათასი ტონა კახური მწვანე და 8 ათას ტონამდე სხვა ჯიშის ყურძენი. ყველაზე დიდი რაოდენობით ყურძენი გადამუშავებულია გურჯაანის მუნიციპალიტეტში - 24,7 ათას ტონამდე. კახეთის რეგიონის დანარჩენი მუნიციპალიტეტების მონაცემები ასე გამოიყურება: ყვარელი -13,4 ათასი ტონა, თელავი - 14 ათასი ტონა, სიღნაღი - 7 ათას ტონა, ლაგოდეხი- 5,6 ათასი ტონა, დედოფლისწყარო - 2,1 ათასი ტონა, ახმეტა - 1,7 ათასი ტონა და საგარეჯო - 2,3 ათასი ტონა.
ყურძნის გადამუშავების პროცესში ჩართულია ღვინის მწარმოებელი 60 კერძო კომპანია და ასევე სახელმწიფოს მიერ დაქირავებული 18 ღვინის საწარმო.
რთველის მიმდინარეობის შესახებ მოსახლეობის ინფორმირების მიზნით, მუშაობას განაგრძობს ცხელი ხაზი - 2 47 01 01 და სპეციალური ინტერნეტ საიტი www.rtveli2015.gov.ge