დიმიტრი ქუმსიშვილმა სომეხ კოლეგასთან ორ ქვეყანას შორის სავაჭრო-ეკონომიკური ურთიერთობები განიხილა
თბილისის აბრეშუმის გზის ფორუმის ფარგლებში, საქართველოს ვიცე-პრემიერი, საგარეო საქმეთა მინისტრი, გიორგი კვირიკაშვილი და ეკონომიკისა და მდგრადი განვითარების მინისტრი, დიმიტრი ქუმსიშვილი სომხეთის ეკონომიკის მინისტრ, კარენ ჩშმარიტიანს შეხვდნენ.
ეკონომიკისა და მდგრადი განვითარების სამინისტროს ინფორმაციით, მხარეებმა საქართველო-სომხეთის სავაჭრო-ეკონომიკური ურთიერთობის მიმდინარე საკითხები განიხილეს. შეხვედრაზე კარენ ჩშმარიტიანმა თბილისის აბრეშუმის გზის ფორუმი წარმატებულად შეაფასა და აღნიშნა, რომ ის ძალიან კმაყოფილია ფორუმის მიმდინარეობით, რომელიც, მისი აზრით, ძალიან სწორ დროს და სწორ ადგილას ჩატარდა. როგორც სომხეთის მინისტრმა აღინიშნა, ჩინეთის მთავრობის თანაორგანიზებულობა შედეგის მომტანი იქნება როგორც საქართველოსთვის, ისე მთელი რეგიონისთვის.