ეგვიპტის კურორტებზე ავიარეისების შეჩერებისა და ტურისტების მიერ სასტუმროების ჯავშნის გაუქმების შედეგად ეგვიპტეს ზამთრის სეზონში 500 მილიონი დოლარის ზარალი მიადგა.
ამის შესახებ ეგვიპტის ტურისტული ასოციაციის წევრმა ჰუსამა აშ-შაირმა განაცხადა.,
„თუ ეს პრობლემა უახლოეს ოთხ-ხუთ დღეში არ მოგვარდა, ჩვენი გათვლებით წლის განმავლობაში ეგვიპტე 2 მილიარდ დოლარს დაკარგავს“, - განაცხადა ჰუსამა აშ-შაირმა.
ეგვიპტეში რუსული თვითმფრინავის ავიაკატასტროფის შედეგად, რომელსაც 224 ადამიანი შეეწირა, წამყვანმა საერთაშორისო და ევროპულმა ავიაკომპანიებმა სინაის ნახევარკუნძლზე ფრენები შეწყვიტეს.