"წითელ ხიდზე" მედიკამენტების უკანონოდ შემოტანის მცდელობის ფაქტი გამოვლინდა. "საბაჟო გამშვებ პუნქტზე "წითელი ხიდი" ნარკოტიკული ნივთიერების უკანონო შემოტანის ფაქტი გამოვლინდა. საბაჟო კონტროლის ზონაში, აზერბაიჯანის მხრიდან შემოსული აზერბაიჯანის მოქალაქე გ.ჯ.-ის კუთვნილი ბარგისა და ხელბარგის ეჭვის საფუძველზე დათვალიერების შედეგად, მებაჟე ოფიცრებმა ფეხსაცმელებში დამალული ნარკოტიკული ნივთიერება 35 ამპულა - "ტრამადოლი" და კოდეინის შემცველი მედიკამენტი, 20 აბი "სედალგინ ნეო" აღმოაჩინეს.
საქმე შემდგომი რეაგირების მიზნით შსს მარნეულის სამმართველოს ალგეთის პოლიციის განყოფილებას გადაეცა", - ნათქვამია შემოსავლების სამსახურის განცხადებაში.