საბაჟო გამშვები პუნქტის "ყაზბეგის" კონტროლის ზონაში 7593,01 ლარის ღირებულების 156,58 გრ არადეკლარირებული ოქროს ნაკეთობები აღმოაჩინეს. როგორც შემოსავლების სამსახურში აცხადებენ, არადეკლარირებული საქონელი მებაჟე ოფიცრებმა რუსეთის ფედერაციის მოქალაქის, ს.მ-ს კუთვნილი ხელბარგის ეჭვის საფუძველზე დათვალიერებისას გამოავლინეს. საგადასახადო კოდექსის 289-ე მუხლის მე-10 ნაწილის შესაბამისად, რუსეთის მოქალაქეს სანქციის სახით შეეფარდა ფულადი ჯარიმა 7593,01 ლარის ოდენობით.