საქართველოს პრეზიდენტის ადმინისტრაციაში ეროვნული ბანკის საბჭოს წევრობის კანდიდატების წარდგენის პროცესი დასრულდა. როგორც ადმინისტრაციაში აცხადებენ, წარდგენილი კანდიდატების ვინაობას პრეზიდენტის ადმინისტრაციის უფროსი გიორგი აბაშიშვილი დღეს, პრესკონფერენციაზე დაასახელებს. აბაშიშვილის პრესკონფერენცია პრეზიდენტის ადმინისტრაციაში 18:00 საათზე გაიმართება. ეროვნული ბანკის საბჭოს წევრობის კანდიდატების შერჩევის პროცესი ექსპერტების და არასამთავრობო სექტორის მონაწილეობით რამდენიმე თვის განმავლობაში მიმდინარეობდა და მას პრეზიდენტის ადმინისტრაციის უფროსი გიორგი აბაშიშვილი უძღვებოდა.