BMW Vision Next 100 - საიუბილეო მოდელი მიუნხენში წარადგინეს

გერმანულმა ავტომწარმოებელმა კომპანია BMW-მ 100 წლის იუბილესთან დაკავშირებით, რომელიც 7 მარტს მიუნხენში კომპანიის პირველი ქარხნის ტერიტორიაზე აღნიშნეს, კონცეპტუალური მოდელი წარმოადგინა, სახელწოდებით Vision Next 100. ავტომობილი აღჭურვილია ე.წ. სელფდრაივ ფუნქციით და მისი „ცოცხალი გეომეტრიის“ კონსტრუქციით წარმოადგენს კომპანიის ხედვას, თუ როგორი უნდა იყოს BMW მომდევნო 100 წლის განმავლობაში.

ამ ავტომობილს მიმდინარე წლის განმავლობაში მსოფლიოს სხვადასხვა ქალაქში წარადგენენ. მათ შორის არის ლონდონი, პეკინი და ლოს-ანჯელესი, სადაც ამ მოდელის გარდა, კომპანია ასევე წარმოადგენს პირველ კონცეპტუალურ Rolls-Royce-ს, Mini-სა და BMW მოტოციკლს.

კოკა კვირკველია