საბურთალოს რაიონის გამგეობამ 112 პროექტის თანადაფინანსება განახორციელა. როგორც თბილისის მერიაში აცხადებენ, საბურთალოს რაიონის გამგეობის თანადაფინანსებული პროექტების განყოფილებამ მიმდინარე წლის დასაწყისიდან დღემდე 112 სხვადასხვა სახის პროექტი დააფინანსა.
თანადაფინანსებულ პროექტებს შორისაა: ლიფტების, სახურავების, სართულშუა ნაპრალების ამოვსებისა და სხვა სახის სარეაბილიტაციო სამუშაოები.
როგორც მერიაში აცხადებენ, ამ დრომდე, სახურავების რეაბილიტაციის პროექტი 25 მისამართზე დაფინანსდა, 19 ლიფტი განახლდა, 14 მისამართზე 22 კიბის საფეხური განახლდა, 4 მისამართზე 9 კარი დამონტაჟდა, 18 მისამართზე სართულშუა ნაპრალების ამოვსების პროექტი განხორციელდა, 30 მისამართზე 60 სადარბაზო შერემონტდა, 10 მისამართზე კი წყალკანალიზაციის სისტემები შეიცვალა. თანადაფინანსებულ პროექტებში მოხვდა სენსორული სანათების მონტაჟი ორ და წყალსაწრეტების რეაბილიტაცია 1 მისამართზე.
მერიის ინფორმაციით, საბურთალოს რაიონის გამგეობა ბინათმესაკუთრეთა ამხანაგობების მიმართულებით პროექტების თანადაფინანსებას აგრძელებს.