აფხაზეთსა და სამაჩაბლოში ქართული არხების ღია ეთერით მიღება უკვე შესაძლებელია

ქართული არხების ღია ეთერით მიღება აფხაზეთისა და სამაჩაბლოს ტერიტორიაზე მცხოვრები მოსახლეობისთვის უკვე შესაძლებელია.

როგორც შპს „სტერეო +“-ში აცხადებენ, კერძო მულტიპლექს ოპერატორმა - შპს ,,სტერეო +“-მა დაასრულა სამუშაოები ოკუპირებული ტერიტორიების დიდი ნაწილის დასაფარად.

„კომპანიის სიგნალი იქ მცხოვრებ მოსახლეობას 20-მდე ქართული არხის უფასოდ მიღების შესაძლებლობას აძლევს. სიგნალის მისაღებად საჭიროა დეციმეტრული ანტენა და DVB-T2 სტანდარტის მოწყობილობა (SET –TOP-BOX). საქართველოს ციფრულ მაუწყებლობაზე 2015 წლის 17 ივნისიდან გადავიდა. ამიერკავკასიაში არის ერთადერთი ქვეყანა, რომელმაც ვალდებულება დადგენილ ვადაში და თანაც წარმატებით განახორციელა“, - აცხადებენ კომპანიაში.