დიმიტრი ქუმსიშვილი ვიზიტით ყაზახეთს ეწვია
საქართველოს ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი სამუშაო ვიზიტით დღეს ყაზახეთს ეწვია.
როგორც ეკონომიკისა და მდგრადი განვითარების სამინისტროში აცხადებენ, ვიზიტის ფარგლებში დაგეგმილია შეხვედრები ყაზახეთის პრემიერ-მინისტრ კარიმ მასიმოვთან, ინვესტიციებისა და განვითარების მინისტრ ასეტ ისეკეშევთან და ყაზახეთის წამყვანი კომპანიების ხელმძღვანელ პირებთან.
ხვალ საქართველოს ვიცე-პრემიერი მონაწილეობას მიიღებს საქართველო-ყაზახეთის სამთავრობოთაშორისო ეკონომიკური კომისიის სხდომაში, რომლის დასრულების შემდეგაც დაგეგმილია კომისიის სხდომის ოქმზე ხელმოწერა.