ბათუმში სპორტის ახალი სასახლე აშენდება

ბათუმში ორდარბაზიანი, თანამედროვე სტანდარტების შესაბამისი სპორტის სასახლე აშენდება, - ამის შესახებ აჭარაში ვიზიტით მყოფმა სპორტისა და ახალგაზრდობის საქმეთა მინისტრმა განაცხადა.

როგორც სპორტის სამინისტროში აცხადებენ, კომპანია ”სოკართან” გაფორმებული სასპონსორო მემორანდუმის შემდეგ ტარიელ ხეჩიკაშვილმა ბათუმის სასპორტო სკოლა დაათვალიერა. მინისტრმა სპორტული ინფრასტრუქტურა დაათვალიერა, შეხვდა მწვრთნელებს და სპორტსმენებს.

სკოლაში სპორტის 25 სახეობაში ყოველდღიურად 2 500 ბავშვი და ახალგაზრდა ვარჯიშობს. შედეგების თვალსაზრისით ყველაზე წარმატებული სპორტის სახეობა ბერძნულ-რომაული ჭიდაობაა, პოპულარობით კი კალათბურთი სარგებლობს.