დიდ ბრიტანეთში ბრენდული ნივთების ღირებულება მნიშვნელოვნად შემცირდა.
ექსპერტები ამას დიდი ბრიტანეთის ევროკავშირიდან გასვლის გეგმას და ამის ფონზე, ბრიტანული გირვანქა სტერლინგის კურსის დაცემას უკავშირებენ.
Deloitte -ის კვლევის თანახმად, ბრენდული ნივთების შეძენა ამჟამად მსოფლიოში ყველაზე დაბალ ფასად ლონდონშია შესაძლებელი.
"ბიბისის" ცნობით, ფუნტის დოლართან კურსის ვარდნის გამო, Louis Vuitton-ის ჩანთა Speedy 30 ლონდონში 645 გირვანქა სტერლინგი (802 აშშ დოლარი) ღირს, პარიზში იგივე ჩანთის ფასი 850 აშშ დოლარია, ნიუ იორკში 970 აშშ დოლარი, ჩინეთში კი 1 100 აშშ დოლარი ღირს.
კიდევ ერთ მაგალითად ექსპერტები ასახელებენ Balenciaga-ს კაბას - Foulard Fringe Dress-ს. კაბის შეძენა დიდ ბრიტანეთში დაახლოებით 400 დოლარით ნაკლებად შეგიძლიათ, ვიდრე აშშ-ში.