„თბილისის მიკროავტობუსი“ მომხმარებელს მიმართავს, გადატვირთულ მიკროავტობუსში ასვლისგან თავი შეიკავონ
„თბილისის მიკროავტობუსი“ მომხმარებელს მიმართავს, მაქსიმალურად შეიკავონ თავი გადატვირთულ მიკროავტობუსში ასვლისგან. ამის შესახებ კომპანია „თბილისის მიკროავტობუსის“ სპეციალურ განცხადებაშია ნათქვამია. როგორც ”თბილისის მიკროავტობუსის” პრესსამსახურიდან იუწყებიან, სპეციალური განცხადებით კომპანია სოციალურ ქსელში გავრცელებულ კადრებს ეხმაურება, სადაც მიკროავტობუსში მყოფი ფეხზე მდგომი მგზავრები ფიქსირდებიან.
”კომპანია „თბილისის მიკროავტობუსი“ კატეგორიულად აცხადებს, რომ უსაფრთხოების ზომებიდან გამომდინარე აკრძალულია მიკროავტობუსში ხუთ ადამიანზე მეტის ფეხზე დგომა. უმორჩილესად ვთხოვთ ჩვენს მომხმარებლებს, მაქსიმალურად შეიკავონ თავი გადატვირთულ მიკროავტობუსში ასვლისგან. ასევე, მოგახსენებთ, რომ ყველა იმ მძღოლის მიმართ, რომელიც დაუშვებს მის მიერ მართვად სამარშუტო ტაქსში ზედმეტი მგზავრის აყვანას, გატარდება მკაცრი ადმინისტრაციული ზომები კომპანიის მონიტორინგის სამსახურის მიერ”, - ნათქვამია ”თბილისის მიკროავტობუსის” სპეციალურ განცხადებაში.