პრემიერ-მინისტრი გიორგი კვირიკაშვილის ინიციატივას, რომ 2015 წლის 1 იანვრამდე დოლარში აღებული იპოთეკური სესხის კონვერტაცია მოხდეს "ნაციონალური მოძრაობის" წევრი რომან გოცირიძე "ფეისბუქის" საკუთარ გვერდზე ეხმაურება.
ოპოზიციონერი დეპუტატის პოსტს "ბიზნესპრესნიუსი" უცვლელად გთავაზობთ:
"ჩემმა ნაცნობმა ჩადო გირაოში სახლი და ბანკისგან ისესხა 50 ათასი დოლარი. იყიდა ტოიოტა პრადო. მას დასაბრუნებელი აქვს 1$=2,5 ლ. კურსით 125 ათასი ლარის ეკვივალენტი თანხა დოლარებში. მთავრობა ეუბნება, რადგან ლარი გაუფასურდა, 1$=2,3ლ. კურსის შესაბამისი თანხა დაუბრუნე ბანკსო, ანუ 115 ათასი ლარიო.
-კი მაგრამ, 10 ათასით ნაკლებს ბანკი როგორ მიიღებსო?
-მაგაზე ნუ იდარდებ, მე დაგიფარავ ბიუჯეტიდან ამ სხვაობასო.
-გმადლობთ მთავრობავო, ეუბნება გახარებული ჩემი ნაცნობი (ისე, საღ ჭკუაზე თუ არის ეს მთავრობაო, გაიფიქრებს გულში).
მიუხვდება მთავრობა.
-თვითონ არა ხარ საღ ჭკუაზე, ჩემგან რა მიდისო-გულშივე გაიფიქრებს ისიც.
იმ მთავრობას ჩინოვნიკი ჰქვია.
ჩინოვნიკს მინისტრი, პრემიერ-მინისტრი ან თავმჯდომარე.
თავმჯდომარე იყოს. ასე სჯობია.
”იჯდება და იჯდეს რაო”!
თავზედაო!:(" - წერს გოცირიძე