2012 წელს ფარმაცევტულ კომპანიებთან დაკავშირებულმა პირებმა სახელისუფლებო პარტიას „ერთიან ნაციონალურ მოძრაობას“ მთლიანობაში 415 000 ლარი შესწირეს, მსგავსი შემთხვევები 2012 წლის შემდეგ არ დაფიქსირებულა , - ამის შესახებ ნათქვამია „საერთაშორისო გამჭვირვალობა - საქართველოს“ ანგარიშში, რომელიც ფარმაცევტული კომპანიების ბაზარს ეხებოდა.
ორგანიზაციის ინფორმაციით, 2012 წლის 25 ივლისს, პსპ-ს წილის მმართველმა ვაჟა ოქრიაშვილმა „ერთიან ნაციონალურ მოძრაობას“ 60 000 ლარი შესწირა; „ავერსის“ წარმომადგენელმა ირაკლი ფურცელაძემ ასევე 2012 წელს აღნიშნულ პარტიას 50 000 ლარი შესწირა, პაატა კურტანიძემ - 60 000, მალხაზ კურტანიძემ - 60 000 ლარი, დიმიტრი ჯორბენაძემ - 40 000 ლარი, ხოლო ალექსანდრე ჯანაშიამ - 5 000 ლარი; „ჯიპისი ფარმას“ წარმომადგენელმა ირაკლი გოგიამ 2012 წელს „ნაციონალურ მოძრაობას“ 60 000 ლარი შესწირა, ხოლო დავით კილაძემ - 30 000 ლარი; გლობალ ფარმის წარმომადგენელმა რობერტ ელოიძემ 2012 წელს „ერთიან ნაციონალურ მოძრაობას“ 50 000 ლარი შესწირა.