"დოიჩე ბანკი" აშშ-ს ჯარიმის სახით 7,2 მილიარდ დოლარს გადაუხდის

გერმანული Deutsche Bank თანახმაა 7.2 მილიარდი დოლარი გადაიხადოს ჯარიმის სახით აშშ-ის მთავრობასთან იპოთეკით უზრუნველყოფილი ფასიანი ქაღალდების საქმის გამოძიებასთან დაკავშირებით.

აღნიშნული თანხა, რომელიც საჭიროებს საბოლოო დამტკიცებას, გაცილებით ნაკლებია, ვიდრე თავდაპირველი 14 მილიარდი აშშ დოლარი, რომელსაც აშშ-ის რეგულატორი გერმანული ბანკისგან  სექტემბერში ითხოვდა.

რეგულატორის განცხადებით, საცხოვრებელი იპოთეკით უზრუნველყოფილი ფასიანი ქაღალდების გაყიდვამ მნიშვნელოვანი როლი ითამაში 2008 წლის ფინანსურ კრიზისში.

შეთანხმების თანახმად, Deutsche Bank-ის ჯარიმა შედგება 3.1 მილიარდი აშშ დოლარის ოდენობის სამოქალაქო ჯარიმისგან და 4.1 მილიარდი აშშ დოლარის ოდენობის თანხიდან, როგორც მომხმარებელთა დახმარების ნაწილი.

აშშ-ის იუსტიციის დეპარტამენტმა მსგავსი ბრალდებით უკვე დააჯარიმა ისეთი მსხვილი ბანკები, როგორებიც არიან Citigroup - 7 მილიარდი დოლარით, JP Morgan Chase - 13 მილიარდი დოლარით, Bank of America - 16.7 მილიარდი დოლარით და Goldman Sachs - 5.1 მილიარდი დოლარით.