იანვარში ჩუმათელეთი-ხევის 12-კილომეტრიანი გზის პროექტის განხორციელება დაიწყება
იანვარში ჩუმათელეთი-ხევის 12-კილომეტრიანი გზის პროექტის განხორციელება დაიწყება. ამის შესახებ მთავრობის დღევანდელ სხდომაზე პრემიერ-მინისტრმა გიორგი კვირიკაშვილმა განაცხადა.
„ჩუმათელეთი-ხევის 12-კილომეტრიანი გზის საპროექტო სამუშაოების შესყიდვას ვიწყებთ დღეს. ეს არის ავტობანის ნაწილი, აღმოსავლეთ-დასავლეთის ჩქაროსნული მაგისტრალის ძალიან მნიშვნელოვანი შემადგენელი ნაწილი. ეს არის ერთ-ერთი პროექტი, რომლის განხორციელებას იანვარში ვიწყებთ“, - განაცხადა გიორგი კვირიკაშვილმა.
როგორც პრემიერმა აღნიშნა, 4 -პუნქტიანი გეგმის ერთ-ერთი უმთავრესი შემადგენელი არის სივრცითი განვითარების გეგმა და ამ 4 წლის განმავლობაში 800 კილომეტრი გზის დაგება იგეგმება.