„გაზპრომთან“ დაკავშირებული ხელშეკრულებების შესახებ ოფიციალური ინფორმაციის მისაღებად საია ხვალ ენერგეტიკის სამინისტროს მიმართავს

საია ხვალ საქართველოს ენერგეტიკის სამინისტროში საჯარო ინფორმაციის გაცემის მიზნით განცხადებას წარადგენს. როგორც ახალგაზრდა იურისტთა ასოციაციიდან იუწყებიან, ორგანიზაცია გარკვეული ინფორმაციის გაცემას ითხოვს. ”ეს დოკუმენტებია: საქართველოს გავლით სომხეთში რუსული გაზის ტრანზიტის სანაცლოდ გაზპრომთან გაფორმებული იმ ხელშეკრულების (შეთანხმების) ასლი, რომლის მოქმედების ვადაც 2016 წლის 31 დეკემბერს ამოიწურა;

2017 წლის 1-ელი იანვრიდან, საქართველოს გავლით სომხეთში რუსული გაზის ტრანზიტის სანაცვლოდ, ახალი ხელშეკრულების გაფორმების მიზნით, გაზპრომთან წარმოებული მოლაპარაკების ამსახველი ყველა ოფიციალური დოკუმენტის ასლი;

2017 წლის 1-ელი იანვრიდან, საქართველოს გავლით სომხეთში რუსული გაზის ტრანზიტის სანაცვლოდ გასაფორმებელი ახალი ხელშეკრულების თაობაზე, გაზპრომთან მიღწეული შეთანხმების ასლი”, - ნათქვამია საიას განცხადებაში.